Հաճախակի տրվող հարցեր.


1.    Ի՞նչ է տեղի ունենում նվիրատվությունների հետ:

Նվիրատվությունն օգտագործվում է այն ծրագրի համար, որի համար Դուք այն կատարել եք, կամ օգտագործվում է առհասարակ այս վեբկայքում ներկայացված ծրագրերի նպատակների համար, եթե նպատակի մեջ որևէ ծրագրի անուն նշված չէ:    

Միության ադմինիստրատիվ ընթացիկ ծախսերը (օր.՝ հեռախոս, վեբկայքի ծախսեր, բանկային պահումներ, փոստահեռագրային ծախսեր) հոգում են նախագահության անդամներն անձամբ և չեն նվազեցնում ստացված նվիրատվությունները: Նախագահության անդամների՝ դեպի Հայաստան կատարելիք ճանապարհածախսը (տեղում ծրագրերի այցելության և կոնտակտների համար) նույնպես հոգում են անձամբ իրենք:     

 

2.    Ինչու՞ պետք է ես անդամ դառնամ: Որո՞նք են անդամակցության առավելությունները.

Ձեր անդամակցության և դրա հետ կապված վճարի միջոցով Դուք համոզված եք, որ մեզ անծանոթ զարգացող երկրներից մեկի կարիքավոր մարդկանց համար ինչ-որ բարի գործ եք անում, իսկ գումարի միջոցով, որը Դուք գուցե առանց մեծ կորստի կարողանաք կիսել, Դուք ունենում եք այն համոզվածությունը, որ մարդկանց կենսական ճգնաժամի մեջ օգնություն, հույս և կենսուրախություն եք պարգևում: Դուք կարող եք նվիրատվությունների մեծամասնությունից ընտրել Ձեր նախընտրելի ծրագիրը և կարող եք մեզնից ստանալ տեղեկություն միջոցների ընթացիկ վիճակի և բարեփոխումների մասին, որոնց մենք կարող ենք հասնել միասին: 

Որպես միության անդամ՝ Դուք ունեք նաև որոշակի իրավունքներ և առավելություններ, օր.՝              

 

·         Դուք կարող եք գլխավոր ժողովի ժամանակ ծանոթանալ միության հաշվապահությանը: 

·  Դուք կարող եք առաջարկել նոր ծրագրեր, որոնք գլխավոր ժողովում կարող են քվեարկության դրվել:       

·   Ցանկության դեպքում անդամների համար հնարավոր է կազմակերպել ուղևորություն դեպի Հայաստան:

·     Դուք կարող եք մեր կողմից կազմակերպված զեկույցների ժամանակ շատ բան սովորել աշխարհի՝ մշակութապատմական առումով ամենահետաքրքիր երկրներից մեկի մասին, որն ունի քրիստոնեական արվեստի արժեքավոր գանձեր, կարող եք վայելել բարեգործական համերգներ և ստեղծել նոր ծանոթություններ համախոհների հետ, ովքեր Ձեզ նման սրտացավ են ուրիշների համար:  

 

3.    Ինչպե՞ս է վերահսկվում նվիրատվությունների օգտագործումը միության կողմից.

· միության և ծրագրի հայ գործընկերների միջև գրավոր պայմանագրային համաձայնությունների միջոցով,

·  հաշվապահական հաշվառման կամ նվիրատվությունն ստացողների անդորրագրերի միջոցով,

·         նախագահության անդամների կողմից ծրագրերի կանոնավոր այցելության միջոցով,  

·         հրավիրված վերստուգիչների միջոցով,

 

· գլխավոր ժողովին անդամների կողմից հաշվապահությանը ծանոթանալու հնարավորության միջոցով: